2012/05/10

唔做毛孩,白滑迎夏日^^




夏天黎左,小背心、熱褲係時候出動啦,
所有除左修身美白外,脫毛都係好緊要ga!!

講起脫毛膏,veet真係冇人會陌生啦^^
今次我用既係Veet Suprem' Essence玫瑰香薰精華脫毛系列其中之一個成員~
Veet Suprem' Essence玫瑰香薰精華沐浴用脫毛乳霜 (135ml $78.9)
脫毛乳霜含防水成分,可於淋浴期間同時使用,
只需3分鐘便能幫助去除死皮,令肌膚變得光滑亮麗,更見光彩~
此外,柔滑美腿效果較用剃刀持久2倍~
一路沖涼一路脫毛,真係岩哂我呢d分秒必爭既懶人呀~哈哈

除左支脫毛乳霜,佢用附送左一舊雙面既海綿for脫毛用既,
兩面既質地都唔同,粉紅色既軟身d,白色既就比較硬~

用法好簡單,只要沖涼之前用粉紅色海綿將脫毛乳霜均勻搽係要脫毛既位置上面就得~
如果係第一次用呢類型既產品,最好更係搽小小係手上就下有冇敏感先用啦^^

跟住就等2-3分鐘,你會見到d毛毛開始變軟,好似溶溶地咁就表示ok啦~
如果d粗d既毛毛可以放耐多小小時間,但唔好超過6分鐘呀~!!

跟住就用白色面既海綿打圈咁沖水,洗乾淨就搞掂啦~
用白色海綿千其唔好咁大力,因為佢都幾硬,太大力會痛ga~

脫完即刻乾淨哂!!!!一條毛都冇得留低呀^^
脫完毛,一般皮膚都會比較乾,所以記得一定要搽野呀~

而我今用左Veet全新推出既纖毛嫩滑乳液~
睇介紹講到好勁ga,話可以有效減慢毛髮生長,令毛髮猶如處於催眠狀態一般,
佢話用4個星期可以見到效果,我而家用左差唔多2個星期啦,
感覺良好,用夠4個星期先再分享啦^^

沒有留言:

發佈留言